කුවණ්ණා...

 

තමැන්නා වෙරළතට සුබ අසුබ කැන්දා
විජය කුමරුන් සමඟ එක මගේ ගියදා
සනුහරේ උන් මැවූ පැතුම් නුඹ හන්දා
විජයගේ ප්‍රේමයට බොඳ උනිද කුවණ්ණා...

මදුරා පුර කුල කුමරි මාතොටට වැඩිදා
ප්‍රේමයත් කොයි අහක ඉහිරුනිද මන්දා
සනුහරේ උන් නැසූ පාපයට පෙරදා
කොයි තරම් දුකක් නම් ඉහිලුවද කුවණ්ණා...

රාවණා පරපුරේ භූමියම කෙලෙසා
ලාට රට උරුමයම අභිෂේක කලදා
හිතේ රැඳි දහසකුත් හැඟුම් පොදි හංගා
පිටමංවු කඳුළු කැට බර වැඩිද කුවණ්ණා...